Johnny Gutierrez a gana premio di ‘Best Coach’ durante certamen Miss Plus Aruba

ORANJESTAD (AAN): Tabata siman pasa cu den Cas di Cultura a tuma lugar e certamen pa Miss Plus Aruba 2021. 

Na esaki un total di 7 candidata di diferente distrito a participa pa demostra cu nan tin e balor y dedicacion pa subi escenario y participa.

   E hecho cu tabatin hopi fanatico den publico pa apoya nan, tabata un gran honor tambe.

   E anochi aki tabatin varios premio cu a wordo entrega, y uno di nan tabata pa e “Miss Plus Aruba Best Coach 2021”.

   Maestronan di ceremonia Jeremy Wever y Veloushka Krozendijk a anuncia cu Johnny Gutierrez a bira e ganador di e premio aki.

   Johnny Gutierrez tabata e preparador pa tanto Luci-Mar Maduro (representando Pos Chikito) y Donnalisa Lacle (representando Dakota).

   E premio a wordo entrega pa e simpatica Alexia Chin, kende ta Miss Internacional de los Mares y del Turismo 2021.