ORANJESTAD (AAN): Recientemente Joanaila Geerman-Laclé a defende su tesis exitosamente y a obtene e titulo di ‘Master of Arts’ for di e programa Master den Governance and Leadership di Facultad di Arte y Ciencia.
Joanaila a defende su tesis titula “Balansando uniformidad y diversidad den polisanan corporativo cu un enfoke riba paisnan den Caribe Hulandes” dilanti di e comision di graduacion cu tabata consisti di drs. Jacques van der Scheer, dr. Luc Alofs y Danny Martinez MSc.
Tambe tabata presente famia, coleganan di trabao, docente di Universidad di Aruba y colega di estudio.
Ta gradici e docentanan di e programa di MGL y profesionalnan cu a sostene Joanaila como studiante. Tambe ta gradici tur esnan na y pafo di Universidad di Aruba cu a contribui na e acontecimento aki.
Pa mas informacion tocante e estudio MGL, bishita e website di Universidad di Aruba na www.ua.aw/mgl
{gallery}Joanaila Geerman-Lacle a gradua como master den Governance and Leadership (MGL){/gallery}
