Dia 1 di December
ORANJESTAD (AAN): Guardian Group Fatum, bo compania di seguro confiabel pa hopi aña, ta invita comunidad pa atende nan tremendo evento Jingle & Mingle Christmas Market. Clientenan existente y tambe nobo por pasa na oficina L.G. Smith Blvd. 162. Despues di ora di oficina nos ta Brinda bo nos servicio personalisa den un esfera caluroso cu ambiente di Pasco.
Fin di aña ta acercando y nos tur ta preparando. Pa e motibo aki Guardian Group Fatum ta ofrece tur su clientenan e oportunidad pa celebra Pasco y drenta 2023 sin preocupacion y cu tur cos bon regla. Pasa libremente, diahuebs, 1 di december 2022, entre 16:30 – 19:30, na oficina di Guardian Group Fatum pa un servicio personalisa y rapido den un ambiente alegre y festivo
Sea ta pa informacion di seguro, un seguro nobo, adapta o revisa un seguro existente, hasi (areglo di) pago, informacion di hipoteca, informacion di seguro di bida, pensioen of entiero, informacion con pa sera un seguro digital, informacion di seguro pa compania y tambe con pa aplica pa un comprobante digital di bo seguro di auto. Guardian Group Fatum ta contento di yuda bo na su evento di Jingle & Mingle Christmas Market.
Pa celebra e dianan di fiesta y cera aña riba un nota positivo y caluroso, Guardian Group Fatum ta duna oportunidad pa pidi un deseo pa un persona of organisacion. Acepta nos invitacion y bishita Guardian Group durante e Jingle & Mingle, scirbi bo deseo di curason pa un persona of organisacion y pone esaki den un envelop den e Kerstboom. Guardian Group Fatum lo hasi esaki realidad y cumpli cu 1 of mas deseo pa fin di aña. Pa ken abo lo pidi un deseo?
Guardian Group Fatum ta invita tur hende pa pasa, diahuebs 1 di december, entre 16:30 – 19:30 y regla bo seguro den un ambiente di Pasco cu musica, disfruta di un sopi, pan di Pasco, snacks y principalmente un bon ambiente festivo cu servicio personalisa.
