ORANJESTAD (AAN): Mas hende cu por poco ta logra saca tur bolita di e sorteo di Mini Mega, pero cu ta keda contento cu e di dos premio.
Riba Diahuebs a presenta na oficina di Lotto na Playa, e ciudadano Jerome, kende a bay reclama su premio.
El a presenta cu su ticket, y mesora e funcionario di Lotto pa Deporte a revisa pa mira si el a pone su firma n’e banda patras di su ticket, hunto cu su number di cuenta di banco.
Ora cu a scan e barcode den e computer, esaki mesora a indica cu Jerome a gana e suma di 12.407 Florin cu tin poni pa e di dos premio.
Mesora a sigui cu e proceso pa transferi e premio electronicamente pa su cuenta di banco. Jerome a indica cu e ticket ganador el a cumpra na Nasett Lottery.
