ORANJESTAD (AAN): Tabata siman pasa Diahuebs den oranan di anochi, cu e sorteo di Lotto di Dia a produci e numbernan ganador: 02, 13, 14, 19, y 25.
Esey ta exactamente e numbernan cu Jennyree tabatin riba su ticket, pues el a gana e jackpot.
Diabierna mes el a acudi na oficina di Lotto na Playa pa asina reclama su premio. Aki nan a revisa su ticket pa check si el a firm’e, y tambe a pone su number di cuenta di banco.
Ora di a scan e barcode, e computer di Lotto a confirma mesora cu Jennyree a gana 66.000 Florin cu e wega di Lotto di Dia.
Mesora a cuminza cu e proceso pa transferi e premio electronicamente pa su cuenta di banco.
Jennyree a indica cu e ticket ganador el a cumpra na Lucky Day na Madiki.
