ORANJESTAD (AAN): Un di e weganan di mas popular di Lotto, keto bay ta esun di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal na dje, y bo ta cla den wega.
Esey ta loke Jennifer a haci tambe, y el a bira contento cu el a gana.
Pesey mes riba Dialuna el a acudi na oficina di Lotto na Playa pa reclama su premio. Aki mesora e empleadonan a check si el a pone su firma y tambe e numbernan di su cuenta di banco na e parti patras di e ticket, y asina a scan e. E computer a indica mesora cu Jennifer a gana 26.250 Florin cu wega di Zodiac.
Despues di esey mesora a cuminza cu e proceso pa transferi e premio electronicamente pa su cuenta di banco. Jennifer a indica cu e ticket ganador el a cumpra na Manton Lottery.
