ORANJESTAD (AAN): E ta un di e weganan mas gusta di Lotto. Bo ta djis escoge un number consistiendo di cuatro cifra,
y bo ta agrega un signo zodiacal y bo ta den wega! Tin hende ta cumpra un number, pero ta escoge tur 12 signo.
E biaha aki, Jennifer a purba su suerte cu e wega di Zodiac cu tur su amiganan ta hunga. Y pa suerte el a bin gana tambe!
Pesey riba Diamars el a acudi feliz y contento cu su tapaboca y faceshield na oficina di Lotto pa reclama su premio. Aki mesora a revisa su ticket y despues a scan esaki. E computer mesora a indica cu Jennifer a gana 25.000 Florin cu wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Jennifer a indica cu e ticket ganador mes el a cumpra na Mi Tesoro Lottery.
