Jennely Winklaar eligi como Miss Youth Press 2024

ORANJESTAD (AAN): Diasabra anochi a instala 7 candidata nobo pa certamen di Miss Youth Aruba.

   Como sorpresa e anochi ey mesora a tene un sesion di entrevista cu miembronan di prensa riba escenario di Cas di Cultura.

   Como panelista di prensa a fungi Melvin Garcia, Jelisse Boekhoudt, y Charlene Marchena.  Cada candidata a ricibi 7 minuut pa papia y contesta preguntanan cu a ser haci riba dje, riba tur sorto di topico.

   A base di contesta y interaccion cu huradonan, a escoge Jennely Winklaar representando distrito San Nicolas como ganadora di Miss Youth Press 2024.

   Prome finalista a bira Salome Kock representando distrito di Noord.  Di segundo finalista a keda Raiy-Shenne Girigorie di Savaneta.

   Publico tabata completamente anima e anochi aki y a apoya e candidatanan aki na forma grandi.

   Dia 1 di Juni 2024 lo bay tin evento di Beach Wear Glam Fantasy.   E certamen final di Miss Youth Aruba 2024 mes lo ta dia 12 di Juli 2024 den Cas di Cultura.