Jelisse Boekhoudt corona como Gran Dama Folklore-Cultural

ORANJESTAD (AAN): Un encuentro special a wordo organiza recien, y den un berdadero ambiente di famia,

y cu ritmo di nos musica di Festival Cantica di Caya, na e emisora local nobo di Mas FM 105.1 MHz, a tuma e acto di Ccronacion di e Gran Dama Folklore-Cultural 2022, kende ta Jelisse Sharlyne Boekhoudt di J.H.F Couture Cultural.

   Su instalacion a wordo haci door di Leonido Harms, kende ta vice-president di Fundacion Chico Harms.  Despues el a pone e sjerp, a sigui cu e acto di coronacion, cu a ser efectua pa e yiu homber di Jelisse mes, esta Xenon Daal.

   DIARIO como tambe Mas FM ta desea Jelisse Sharlyne Boekhoudt tur clase di exito y bendicion. Masha Pabien di curason na nos gran Reina.