Jayci-ann Croes corona como Teen Model Aruba 2026

Cas Princesa a corona dos reina

ORANJESTAD (AAN): Anticipando e hecho cu for di 9 pa 14 di Juni 2026 lo tuma luga na Bogota (Colombia) e certamen internacional Mini Model of the World, pesey aki localmente Cas Princesa Aruba, a tene un anochi di coronacion na e luhoso residencia di famia Kofi na Piedra Plat.

   Di e forma ey, dilanti famia y amigonan a corona e Baby World Aruba 2026 cu ta Ceanne van der Linde. Tambe a corona Jaysi-ann Croes como e Teen Model Aruba 2026.  Tur dos ta forma parti di Diamond Dance & Modeling group.

   E maestro di ceremonia tabata Addonsito Croes y e fotografo Alwin di Zoom Aruba.

   Presente tabata e reinanan di Miss Youth Aruba 2025 y 2026 bou guia di Robin Croes. Tambe e ex-reinanan y esunnan actual di Cas Princesa Aruba.

   Tur dos lo ta saliendo comienso di Juni pa Bogota caminda nan lo tin un programa extenso pa cumpli cu ne den nan participacion.  E comision di Cas Princesa Aruba encabesa pa juffrouw Jessica Anthonij ta yama danki na tur cu a sostene e coronacion y ta desea e dos reinanan hopi exito di awo caba.