ORANJESTAD (AAN): Diasabra anochi durante un actividad den Cage Nightclub, a tuma lugar instalacion y coronacion di e simpatica Jahë Bikker.
El a wordo corona como ‘Thick Madam Aruba 2022’, y esaki ta pasobra dia 7 di Juni venidero, e ta viahando pa Bogota pa participa den certamen di Universal Queen International.
Su sjerp di Thick Madam Aruba 2022 a wordo poni door di Karoline Oliveros (Miss Teen Aruba International Model 2021), y el a ricibi flor di Kaylienne Ennis (Miss Teen Turismo Aruba 2022). E corona a wordo poni door di Humphrey Odor di Cage Nightclub.
E actividadnan di e certamen aki lo ta for di 9 di Juni te cu 12 di Juni 2022, y e certamen final mes lo ta Diasabra 11 di Juni 2022.
Jahë Bikker a indica na DIARIO, cu e ta bayendo cu su dos preparadornan Tyrone Farro y Junior Hassell, y sigur lo bay tin un grupo di fanatico tambe haciendo e viahe aki.
https://diario.aw/categories/noticia/general/jahe-bikker-lo-representa-aruba-na-certamen-di-universal-queen-international-na-bogota#sigProId7cd27631cf
