ORANJESTAD (AAN): Cu e sorteo di Zodiac, bo por escoge sea hunga numbernan cu ta hunga merdia, of esun cu ta hunga anochi.
Iwan a dicidi na cumpra su numbernan di suerte pa e wega di Zodiac Merdia, y el a keda feliz ora di realiza cu el a gana!
Pesey riba Diaranson el a acudi na oficina di Lotto na Playa pa reclama su premio. Aki nan a revisa su ticket, y despues di a confirma cu el a pone su firma y su numbernan di banco, a scan e barcode y a nota cu Iwan a gana 12.500 Florin cu e sorteo di Zodiac Merdia.
Asina a sigui cu e proceso pa transferi e placa electronicamente pa su cuenta di banco. Iwan a indica cu e ticket ganador el a cumpra na Lucky Angel.
