ORANJESTAD (AAN): E isla di Saba a wordo poni recien den spotlight y a aparece riba kaft di e revista ‘Canada Travel & Lifestyle’ pa luna di September 2021,
como tambe un cobertura di dos pagina, cu ta detaya e atraccionna unico di Saba, relato di e producto, y kico cada pasaheronan Canades mester di dje pa por drenta e isla.
E revista ta referi na Saba como “E tesoro scondi di Caribe Hulandes”, y tambe e “E joya scondi di Caribe”.
E rcvista Canada Travel & Lifestyle tin como 100.000 lesado online, y e revista mes ta wordo distribui pa abonadonan cu generalmente tin entrada halto, den e edicion di Diasabra di e corant Toronto Star na Ontario.
“Nos tin confianza cu e articulo di turismo y cobertura lo bay tin un efecto positivo y trece mas reporteronan di viahe, consumidornan y partnernan di negoshi cu ta bira curioso pa haya sa mas di Saba, y nos ta spera cu esaki lo aumenta cantidad di booking,” ta loke e director di Saba Tourist Bureau a bisa, esta Malinda Hassell.
Awor cu viahamento y turismo ta recuperando poco-poco na Canada y cu e demanda pa viahe pa Caribe ta cuminza crece, por mira cu hopi viahero ta buscando destinacionnan nobo y unico cu ta safe y cu no hopi hende. Saba ta fit e perfil aki operfectamente, segun Hassell a bisa.
Hassell ta positivo tambe pa cu e regreso di e aerolinea Sunwing di Canada pa St. Maarten otro luna. E ta un indicacion maraviyoso cu viaheronan Canades ta cla pa cuminza viaha.
