Isalys Geerman corona como Miss Plus Aruba 2021

ORANJESTAD (AAN): Diasabra anochi den Cas di Cultura a tuma lugar e certamen di Miss Plus Aruba 2021, cu siete candidata hopi dedica, bunita, y cu hopi briyo

riba escenario participando na show di baile, pasarela den trahe di baño y tambe nan trahe di gala.

   Y tabatin un publico cu a apoya nan fuertemente, bao direccion di maestronan di ceremonia Jeremy Wever como tambe Veloushka Krozendijk.

   E anochi a wordo combina cu shownan di baile y tambe cantamento.

   E ganadora maximo di e anochi a bira Isalys Geerman, representando Paradera.  Isalys a wordo corona pa e organizador Tyrone Farro.

   Isalys a gana premio tambe como Miss Plus Elegance, Miss Plus Popular, Miss Plus Photogenic, Miss Plus Congeniality, Miss Plus Best Gala Design, Miss Plus Best Runway, Miss Plus Setar, y Miss Plus Kok Optica.

   Na di dos lugar a finaliza Geraldine Kock di Santa Cruz, kende alavez a gana e premio tambe di Best Hairdo.

   Di tres lugar a bay pa Luci-Mar Maduro di Pos Chikito, kende alavez a gana premio tambe di Miss Plus Spirit 2021.

   Di cuatro lugar a bay pa Stephany Gamarra, kende alavez a gana premio di Miss Plus Best Makeup, Miss Plus Costume of Fantasy, Miss Plus Social Media, y Miss Plus Mihor Proyecto pa haci Un Diferencia.