Isaï Labadie representando Aruba a keda escogi como Mr. Universe Caribbean

ORANJESTAD (AAN): Bon noticia pa Aruba!  Informacion for di Panama ta indica cu eynan a tuma lugar e competencia di Mr. Teen y tambe  Mr. Universe  2025.

   Na e evento aki, un total di 50 pais a competi desde 10 di November te cu 15 di November.  Aruba tabata representa pa e conocido Isaï Labadie.

   E resultado ta como lo siguiente.

   Representante di Paraguay a gana den e categoria di Mr. Teen.

   Isaï Labadie a mustra feliz ora cu a anuncia cu Aruba a clasifica den e Top 10.  Fuera di esey, e representante di Aruba a gana National Costume.

   E ganador maximo di Mr. Universe 2025 a bira e representante di Venezuela.

   Tambe a organiza ganador pa cada “continente”.  Asina a anuncia cu Isaï Labadie a gana e titulo di Mr. Universe Caribbean.  E representante di Panama a bira “Mr. Universe Americas.

   E representante di Cambodia a bira Mr. Universe Asia.  E representante di Hulanda a haya e titulo di Mr. Universe Europe.

   DIARIO ta manda palabra di felicitacion pa Isaï Labadie cu e otro gran logro aki.