ORANJESTAD (AAN): Durante un recien sorteo pa e wega di Mini Mega,
Isabelita a bin nota cu algun di su numbernan a sali, pues el a gana di dos premio.
Pesey riba Diahuebs, el a acudi na oficina di Lotto na Playa pa reclama su premio. El a entrega su ticket, riba cual na e parti patras e tin numbernan di su cuenta di banco, y tambe su firma.
Ora di scan e barcode, e computer inmediatamente a confirma cu Isabelita a gana 18.197 Florin cu e di segundo premio di Mini Mega.
Mesora a cuminza cu e proceso pa transferi e premio electronicamente pa su cuenta di banco. Isabelita a mustra cu e ticket ganador el a cumpra na Candy’s Lottery.
