ORANJESTAD (AAN): Wow, ki tremendo ambiente IPA a pone den Jungle Vibes. ‘Feel good and nice’ ta un subestimacion di loke e studiantenan, docente y personal di sosten a sinti.
Recientemente departamento Bureau Voorlichting en Sociale Activiteiten (BUVOS) di IPA a organisa un actividad social cu a hiba e nomber Think Outside the Box Game Night. Meta principal di e actividad tabata pa crea espacio pa cuido y amor propio di cada miembro di IPA y fortalece e union den e instituto den un ambiente placentero.
E weganan tabata den man di Gewoon Pa Pret Entertainment cu no solamente a pone studiante, docente y personal di sosten pensa ‘out of the box’, pero a pone nan haci tarea den ekipo tambe.
Un total di 8 grupo a bini tur cu tin pa bataya contra otro p’asina bay cu e titulo maximo di e anochi. Competencia tabata fuerte mirando cu e gruponan na varios momento tabata cabes cabes cu otro.
Resultado di e game night ta como lo siguiente:
Ganado absoluto: Hot Shots
Segundo luga: The Innovators
Di tres luga: Party Crashers
Miho uniforma: Wonder Teachers
Grupo disciplina: Head Peace
Grupo ambiente: Maripositas
‘Outside the Box’: Captain’s Crew
Bon mucha: The Believers
Masha pabien na cada un di e gruponan. BUVOS ya a cuminsa cu planificacion di su siguiente actividad social y ta curioso pa sa si tur grupo lo acepta e reto! Esaki tambe ta priminti di ta uno divertido.
Un danki special ta bay na tur e sponsornan cu a contribui na IPA su actividad social.
E comunidad di IPA no tin suficiente palabra pa gradici boso pa boso aporte. Masha danki pa haci IPA su actividad social un exito rotundo!
{gallery}IPA a organisa tremendo actividad pa studiante, docente y personal{/gallery}
