ORANJESTAD (AAN): Pastoor Rafy Cananea di Parokia Santa Teresita di Niño Hesus ta invita tur parokianonan y henter pueblo pa asisti na e Nobena na honor di nos Patrona cu ta inicia diaranzon 22 di september pa 5 pm na Misa Santa Teresita di Niño Hesus.
DIARIO a compronde cu despues di cada dia di nobena lo sigui un Santo Sacrificio di Misa.
E Fiesta Patronal ta worde celebra diabierna dia 1 di oktober cu un Santo Sacrificio di Misa pa 6 pm.
Den e tempo dificil aki laga nos uni y resa cu mas fervor pa nos isla y mundo henter y pa nos rumanan, specialmente esnan afecta pa e virus sea cu nan ta na cas, hospital of den exterior. Cu nos patrona Santa Teresita di Niño Hesus por yena nos cu forza, pasenshi y fe y manda un yobida di rosa for di cielo pa nos tur.
“E Flor Chikito”
“No perde ningun oportunidad pa haci un sacrificio chikito, ofreciendo aki aya un sonrisa, y un palabra di cariño; semper haciendo bon den tur cos chikito y haciendo tur esey cu Amor.”
NOBENA:
Esaki ta e schedule pa Nobena na Honor di Santa Teresita di Niño Hesus.
Diaranson 22 di September pa 5:00 pm, na Misa Santa Teresita di Niño Hesus.
Diahuebs 23 di September pa 5:00 pm, na Misa Santa Teresita di Niño Hesus.
Diabierna 24 di September pa 5:00 pm, na Misa Santa Teresita di Niño Hesus.
Diasabra 25 di September pa 6:00 pm na Kapel Emanuel.
Diadomingo 26 di September pa 6:00 am, na Misa Santa Teresita di Niño Hesus.
Dialuna 27 di September pa 5:00 pm, na Misa Santa Teresita di Niño Hesus.
Diamars 28 di September pa 5:00 pm, na Misa Santa Teresita di Niño Hesus.
Diaranson 29 di September pa 5:00 pm, na Misa Santa Teresita di Niño Hesus.
Diahuebs 30 di September pa 5:00 pm, na Misa Santa Teresita di Niño Hesus.
