ORANJESTAD (AAN): Segun e inversionista y desaroyador inmobiliario Alberto Perret-Gentil,
e introduccion di e ley nobo di BTW lo bay tin un impacto grandi riba e industria di real estate.
Cu e BTW ta wordo cobra na aduana, ta un decision corecto, pero sigur esaki lo tin su impacto riba costonan di material.
Cu entrada di e BTW, e impuesto di transferencia di benta di propiedad mester wordo reduci considerablemente, of wordo kita completamente. E dos impuestonan aki hunto ta un combinacion peligroso, cu si wordo mescla, prijsnan di vivienda lo explota.
E desaroyador cu mas di 20 aña desaroyando condominionan luhoso na Aruba ta di opinion cu Gobierno tin di pone enfasis den legislacion di viviendanan pagabel y laga sector priva haci su trabou di sigui inverti den Aruba y su economia.
“Pa chikito cu Aruba por ta, nos ta rico na experencia y acceso na conocimento for di Latino America manera por ehempel ‘Inter American Federation of Construction’ (FIC), cu nos por tuma como ehempel y siña for di dje. Kita e moratorium y laga economia di Aruba move. Miho mas inversion y crecemento sostenibel, en bes di mas impuesto,” Alberto a finalisa.
