ORANJESTAD (AAN): Dutch Carribean Nature Alliance (DCNA) ta contento pa anuncia e evento di Intercambio di Junior Ranger 2022,
cu lo tuma na St. Eustatius entre 30 di Juli y 5 di Augustus. Junior Ranger di Aruba, Boneiro, Saba, Sint Eustatius y Sint Maarten lo reuni pa siña tur cos tocante e biodiversidad unico den Caribe Hulandes, y traha pa desaroya habilidad positivo, cooperativo y social.
Colaboracion entre e islanan
E evento anual aki ta yuda construi comunidad y colaboracion entre e islanan di Caribe Hulandes apoyando e proximo generacion di ciudadano preocupa pa naturalesa. Cada aña ta invita dos junior ranger entre 10 pa 13 aña di edad pa uni y comparti loke nan a siña tocante naturalesa di nan islanan.
E organisacionnan cu ta participa e aña aki ta inclui Fundacion Parke Nacional Aruba, Stinapa Bonaire, Saba Conservation Foundation, Stenapa St. Eustatius y Nature Foundation St. Maarten. Door di combina componente educativo y cientifico a lo largo di e evento di intercambio, e participantenan ta empodera pa comparti idea y mehora conexion entre e organisacionnan di maneho di area protegi y programa educativo.
Construyendo Resiliencia
E tema di e evento di e aña aki ta Servicio di e ecosistema y con e na ta sostene nos tur. Como islanan chikito, Caribe Hulandes lo mira su mes obliga pa enfrenta algun di e impactonan mas importante di cambio di climati. Protehando y mehora ndoe servicionan ecosistemico local disponibel pa cada isla lo yuda genera resiliencia y ta garantisa cu cada isla por ta capaz di prospera pa e proximo generacion. Durante e evento aki, e Junior Rangernan lo desaroya e consciencia di flora y fauna clave di cada isla, lo siña tocante e importancia di biodiversidad y su preservacion como contesta na e cambio climatico y nan lo explora e diferente vinculonan entre e humanonan y naturalesa.
E programa aki ta wordo financia pa Prins Bernhard Cultuur Fonds, Fondo Mundial pa Naturalesa (WWF-NL). E actividadnan di DCNA ta generosamente financia pa Loteria Nacional di Codigo Postal. E patrocinadonan di Island Azure Beach Hotel na St. Maarten, Winair y Dominoes Pizza tambe a aporta grandemente na e evento aki.
Potret: Junior Ranger Evento di Intercambio 2019 Participante na Boneiro
