ORANJESTAD(AAN)—Manera DIARIO a anuncia, e negociacionnan entre Aruba y e compania Mericano Quanten pa e refineria ta sigui nan curso sin ningun problema.
E contenido di e contractonan actualmente ta wordo atende mescos cu ta e caso cu e negociacionnan pa proyecto Eagle LNG, cu mester haci Aruba un centro di distribucion di gas den region di Caribe.
Informacionnan clave cu DIARIO a ricibi ayera na ultimo hora ta mustra cu na Aruba tin intento ta wordo haci pa tranca e proyecto pa baha prijs di awa pa Pueblo di Aruba y tambe pa empresnan cu mester bin sostene economia di Aruba.
DIARIO ta sigui traha riba e caso aki den cual segun informantenan wega politico partidista for di cierto skina, ta tranca e proceso pa yega na un acuerdo cu Eagle LNG.
