Denuncia di Prome Hefe di Redaccion di DIARIO Jeannette Cratz
*Na un momento historico e mascara di persecucion di Eman ta cay
*Prueba cu integridad den agonia cu formacion di otro Gobierno Mike
ORANJESTAD (AAN) — E siguiente texto ta un informacion di Jeannette L, Cratz na Pueblo di Aruba.
“Ta cu un sentido profundo di asco mi mester tuma nota di intentonan directo di intimidacion di mi persona dor di e grupo di Mike Eman, cu ta trata di pone presion riba mi persona den mi produccion periodistico.
Mi no por presenta mi mes nunca mas na Aruba, si publicamente mi no expone, e intento baho di Eman y AVP, pa silencia mi persona pa medio di intimidacion.
Abuso a wordo haci dor di miembro di familia di Mike Eman, cu pa hopi pero hopi tempo, no tin ningun contacto cu mi ni mi circulo directo, pa bay trata na uza personanan yega na mi persona pa influencia mi articulonan.
Awe mi ta entrega Aruba mi background cu ta entrega prueba di mi conocemento personal cu historia politico di Aruba, como mi contesta na e intento perverso di AVP pa kier uza mi ambiente personal na Curacao pa evita mi articulonan.
Mi regreso na Antillas Hulandes hunto cu mi ex exposo kende tabata un empresario internacional, for di alma social di New York City, a coincidi cu e tempo cu na Aruba Betico Croes a cuminsa cu su lucha pa Status Aparte di Aruba cu for di 1950 a keda den un posicion inferior den Antillas Hulandes a base di cambio den e constelacion di Parlamento di Antillas Hulandes, den cual Aruba (e tempo representa pa partido AVP) a entrega e formula di 8-8 pa somete Aruba na e posicion di un mayoria di 12 miembro di Parlamento Antillano y 8 miembro di miembro di Parlamento di Aruba cu originalmente tabata tin un posicion di 8-8.
E berdad politico nobo di Aruba den Reino Hulandes a bira motibo directo pa existencia di partido PPA, cu a bira e partido Arubano cu a logra un Prome Ministro di Antillas di su seno, cu tabata e conocido Ernesto Petronia, cu personalmente for di mi oficina na Algemene Rekenkamer Nederlandse Antillen, mi a mira interveni ora morto di e Ministro Nita, a causa inkietud politico na Willemstad.
Como Hefe di Redaccion di corantnan di Antillas mi conoce e desaroyo completo di e lucha di Betico Croes, contra kende mi propio persona hunto cu otro miembronan di Partijraad di Partido Democraat, a dicta e sentencia pa tene for di Gobierno di Boy Rozendal na 1977, loke a bira Augustus Dagen di revolucion na Aruba.Hef
Ta e empeño di Betico Croes enfrente Reino Hulandes, a conduci na Status Aparte na 1983, mientras ya e diputadonan di MEP riba nan tereno a cuminsa traha riba entre otro turismo cu celebracion Aña di Turismo.
Ta bon pa mi agrega tambe cu ora mi papia di Reino, ta pa motibo di relacion importante cu mi tabata tin cu Reino Hulandes, mientras programa di State Department di Merca, a introduci mi na henter Merca y su gobernacion, pa no papia mes di mi relacion cu Venezuela y mi relacionnan na e nivelnan social y empresarial mas halto na Merca y Europa.
Mi por a crea un carera, cu a habri porta limpi, pa informa Pueblo di Antillas Hulandes y despues di Aruba como Hefe di Redaccion di loke ta importante pa hende di tur edad te awe, sin necesidad di padrino y madrina pero cu mi dos mannan.
Na caminda pa 2026, ora Aruba celebra e obra grandi di Betico Croes y ta importante pa evita morto di berdad a base di impresionan falso cu ta wordo crea, mi ta tene duro na mi lealtad na Pueblo di Aruba, pa kende mi a sigui traha te awe.
Periodismo honesto ta entrega pruebanan cu awe ta wordo camufla pa destrui e honra cu mester duna Betico Croes, na momento cu ta bay recorda na 2026 cu ta cuarenta aña Status Aparte.
Dia 18 di Maart ta recorda cu Pueblo di Aruba a pidi Reino oficialmente separacion, loke a bira un peticion cu a wordo traiciona na momento na 1950 Interim Regeling a pone Aruba bou Curacao den Antillas Hulandes.
Awe personalmente mi ta lanta para, como intentonan bergonzoso di parti di AVP, pa kere cu nan por silencia mi voz, pa medio di intimidacion den cual miembro di familia Mike Eman a trata di uza mi circulo personal directo pafor di Aruba.
Actitud mas baho no ta posibel pero mi ta duna Pueblo di Aruba e garantia, cu ni cu e armanan mas pisa cu Pueblo di Aruba por a idea, Eman cu mester tin berguenza pa atende cu Aruba el a kibra na tanto forma, no por a silencia mi voz, cu ta liber y no por a wordo cumpra cu nada.
Ta duel mi cu un dia mi a kere cu mi por atende cu e circulo di Eman, cu manera historia di Aruba tambe ta demostra, ta mas peligroso cu cayman na boca di riu politico di cual obviamente nan ta depende pa importancia.
Ta mi deber enfrente mi Creador, cu a entregami un historia personal limpi, cu ningun accion sushi por mancha mi nomber.
Mi ta pidi AVP controla su hendenan y evita cu hende sin cuero di cara, ta kere cu nan por yega asina leu di penetra den mi circula priva pa kere cu nan por silencia mi voz!
Jeannette L. Cratz
