ORANJESTAD (AAN): E di 5 edishon di Long Table Aruba, organiza pa Wind Creek Aruba, ta back pa un anochi,
e unico mesa di cena di mas largo completamente blanco cu un balor di $50,000 na Aruba.
E evento di e aña aki lo tuma lugar diadomingo 11 di Juni y lo conta cu un mesa largo di 1.000 pia cu lo worde prepara pa 1.000 invitado riba L.G Smith’s Boulevard dilanti Renaissance Wind Creek Aruba Resort. Tickets pa entrada lo ta pronto disponibel pa benta. Desde aña 2017, Long Table Aruba a recauda mas di $225.000 pa organizashonnan local y ta un evento sumamente importante pa Wind Creek na Aruba.
E evento di e aña aki tambe lo marca e di seis aniversario di Wind Creek Hospitality hunto cu Renaissance Aruba. Pa celebra e momento aki, Wind Creek Hospitality lo entrega 5 organizashon $10.000 na cada un, totalisando $50.000 di donashon, cual lo ta e suma di mas hopi cu Long Table Aruba lo entrega te cu awor.
"Nos ta compronde e importancia di conecta cu e comunidad y nos ta desea pa sostene organizashonnan local na e manera cu lo realmenti beneficia e comunidadnan di Aruba," asina Sr. Paul Gielen, Wind Creek Aruba General Manager a declara. E aña aki nos kier a duna mas tanto organizashon e chens pa participa, aportando asina pa por logra cu nan mision pa mehora nos isla."
Cuminsando desde awor caba, organizacionnan local cu ta interesa pa forma parti di e competencia por registra na Wind Creek Aruba su ‘community online video program’, organizacionnan local lo tin cu crea un video splicando e motibo pakico nan ta desea pa ricibi e donashon aki. Tur video cu worde entrega lo worde publica riba Wind Creek Aruba su website unda cu pueblo di Aruba lo por vota pa e 5 video nan ganador di e aña aki.
Tene e siguiente puntonan den considerashon: (*) Solamente organizashonnan local (non profit y cu ta activo por paricipa na e competencia. Empleado den servicio di Wind Creek Aruba no por participa) (*) Lo mester entrega un video di 30 pa 60 seconde mustrando e meta di e organizashon, ken nan ta, kico nan ta haci y pakico nan ta desea pa worde escogi
Lo mester upload e video prome cu dia 22 di Mei 2023 na e link aki:
Tur video ricibi lo worde publica sin ordo riba e pagina di Facebook di Long Table Aruba pa pueblo di Aruba por admira. Pueblo por vota pa nan video preferi entre 22 di Mei te cu 4 di Juni 2023
Mescos cu aña pasa, comunidad di Aruba lo determina cual organizashon lo beneficia di e premio di e aña aki via un proceso di votamento online cu lo cuminsa desde 22 di Mei. Haci un impacto den comunidad y duna alivio durante calamidad ta un principio di operashon di Wind Creek Aruba. Desde yegada di Wind Creek na Aruba nan a recauda fondo pa medio di diferente evento, manera Long Table Aruba Y Winter Wonderland como tambe un cantidad di donashon di cuminda cu a worde entrega henter aña na organizashonnan y personannan den necesidad.
