LISBOA: Dos tipo di kriki, bichi, tiracochi, y un kever lo cuminza wordo bendi den Supermarketnan Portugues e lunanan aki,
birando asina un fuente nobo di proteina barata y sostenible cu paisnan Europeo a cuminza braza como e ‘cuminda di futuro’.
Departamento General di Cuminda y Veterinario (DGAV) na Portugal a habri caminda pa comercializacion y consumo di insectonan door di humanonan na Juni, cu prome cu esey tabata permiti solamente den cuminda di animal na Portugal. Awor e por den e periodo transitorio di reglamento Europeo riba cumindanan nobo.
Ta trata aki di siete especie cu ya tabata wordo bendi na por lo menos un otro pais Europeo. Esakinan ta especienan cu ya caba ta posible “pa produci y usa” na Portugal, cu ta sigui e pasonan di paisnan manera Belgica, Hulanda, y Republica Checo, unda e cumindanan aki ta cuminza bira cada biaha mas comun.
E dosnan mas comun ta e Bichi (‘larva’) (conoci como Tenebrio mollitor) di hariña, y e Kriki domestico (Acheta domesticus). Ya caba varios repi di chuculati, hariñanan di diferente sabor y pasaboca cu ta ‘camufla’ kriki y larva lo bira e prome experiencia pa consumidornan Portugues, un test pa asina e consumidor ‘acepta’ insectonan lo mihor posible.
E reto awor ta pa kibra e pensamento y perhuicio di hopi hende contra insecto. Esey ta loke e cabezante di ‘Portugal Bugs’, esta Guilhem Pereira, a bisa. E ta un compania di produci insecto cu a nace den klasnan na Universidad di Oporto.
Den futuro unda hendenan lo ta mas costumbra cu e proteina aki, “insectonan cu diferente sabor lo bay ta hopi comun,” ta loke Guilhem Pereira ta pronostica, y e ta kere cu Kriki cu sabor di Ham and Cheese lo por bira ‘e Potato Chips nobo’ pa bo come ora di dal un cerbez.
KRIKI Y LARVA RIBA MENU:
Di e siete especienan aproba, Guilhem ta produci e dosnan mas comun na su finca, esta e Larva (Tenebrio mollitor) y e Kriki di cas (Acheta domesticus).
E prome ta pasa ocho siman di crecimento den estado di Larva y ta wordo usa pa traha cuatro tipo di hariña, repi di chuculati, y otro pasaboca.
Ademas e produccion ta mas grandi cu di Kriki, pasobra e mester di menos espacio.
E Kriki Domestico tin mas hopi proteina compara cu e Larva, esta 60% pa 70%, segun e fundador di e compania GotanBug a bisa, esta Oscar Silva. E hariña di Kriki tin un holor mas suave cu por ponebo pensa riba noot of pinda, y a bisa cu e hariña di Larva tin un proporcion mas halto di vet, cu por ta menos agradable pa esnan cu no ta costumbra cune.
Como cu e no ta bay den metamorfosis, criamento di insecto ta mas facil. E micro Kriki ta nace di webo, y ta crece den tamaño te ora cu e yega etapa di adulto.
CADENA DI BALOR:
Pa produci un kilo di carni baca, bo tin di usa 10 kilo di cuminda pa animal, segun Pereira a bisa, y a splica cu e mesun cantidad di cuminda aki, produccion di Larva ta multiplica cu nuebe. Den termino di gasnan di greenhouse, compara cu baca, e Larva ta representa un reduccion di 1.000% el a bisa.
E uso di recursonan di awa ta casi na cero, pasobra hopi insecto no mester di acceso na un fuente di awa, pasobra nan ta haya esey di e matanan cu nan ta come.
Esaki awor ta un cuminda cu ta bin di desperdicio agricola, y pesey Silva a traha su compania den un area di agricultura, pa asina usa loke resta di e area pa asina nan haya tur cos cu nan mester.
Nan a hinca algo den e cadena di balor cu no tabatin antes, y esaki ta pone e economia circula draai rond di produccion di insecto.
Berdura ta sali di e cadena di comercializacion pasobra nan no ta ahusta na e canon di mercado, y resto di cereal of yeast di cerbez di fabricanan di cuminda, aki ta unda Insectonan por tin un mihor uso pa nan, envez cu e companianan ta bay benta tur esey afo.
