Influencer Dimitri a bay duna discurso di motivacion na examenklas di Ceque College MAVO

ORANJESTAD (AAN): Recientemente e hoben influencer local, Dimitri Angela, kende ta ademas un trainer personal,

y ta sostenedo grandi di idioma Papiamento, a wordo invita pa pasa duna alumnonan di examenklas di Ceque College MAVO un ‘peptalk’.

   Esaki den cuadro di e hecho cu examen final a cuminza, y sigur su empuhe, su puntonan di bista, y experiencia di bida por yuda e hobennan pusha nan mes y persevera den e dianan aki.

   Pues el a presenta su ‘motivational speech’ pa e examenklas, y e hobennan a keda encanta cu tur esaki.  Directiva di scol ta gradici Dimitri Angela pa tur loke el a haci, y na final varios alumno a lag’e pone su firma cu Sharpie riba nan uniform di scol como recuerdo.