ORANJESTAD (AAN) – E Indice di Prijs di Consumo (CPI) pa luna di juni 2026 a registra un indice di 111.98,
cu ta representa un aumento di 0.1% compara cu mei 2026. Cu esey, e inflacion anual a yega na 2.4%, un subida considerabel compara cu e 0.6% registra den e mesun periodo di aña pasa.
Segun Oficina Central di Estadistica (CBS), seis di e diesdos sectornan analiza a registra aumentonan di prijs durante luna di juni.
E impacto mas grandi riba e indice a bini for di e sectornan:
- Mobilario (+5.0%)
- Transporte (+1.0%)
- Restante bienes y servicio (+1.1%)
Nan a contribui significativamente na e subida general di prijsnan.
Na mes momento, e caidanan den Comunicacion (-3.8%) y algun otro sector a yuda limita e subida total di e CPI.
CBS ta indica cu e promedio anual di inflacion pa e ultimo 24 luna ta situa na 0.5%, loke ta mas abou cu e promedio di 0.9% registra den e periodo anterior.
