ORANJESTAD (AAN): Instituto Medico San Nicolas, ImSan, a celebra e Siman di Housekeeping na Ricardo's Restaurant.
E grupo di trahadornan e departamento di limpiesa di ImSan a pasa un rato ameno compartiendo cu otro.
Esaki ta prome biaha cu nan ta celebra e evento aki. Ta trata di un grupo hopi profesional y cu a demostra den e tempo dificil, prome cu e pandemia y aworaki cu ta hopi ocupa cu e implementacionnan pa loke ta trata e acreditacion, asina Sra. Sandra Minier, Cabesante di e departamento di Facilidad a duna di conoce.
