ImSan celebrando nan di 19 aniversario cu Scavenger Hunt y Happy Hour

ORANJESTAD (AAN): Diabierna siman pasa, tabata un fecha special pa esnan trahando na ImSan na San Nicolas. 

Esey ta debi na e hecho cu Instituto Medico di San Nicolas a observa nan di 19 aña di existencia.

   Pa celebra ‘Dia di ImSan”, a organiza un evento pa tur empleado, den forma di un ‘Scavenger Hunt’ cu a pasa door di cayanan di San Nicolas.  E final tabata na Teresita Center, caminda tabatin un Happy Hour, cu bon ambiente.  E tabata un fiesta bon mereci pa tur e trabao cu e ekipo di ImSan ta haciendo.

   Director Joel Rajnherc a indica cu e ta hopi orguyoso di henter staf y personal, pasobra nan ta ofreciendo bon servicio na henter pueblo.

  DIARIO ta desea tur e staf y personal di ImSan, un palabra di pabien.  Danki pa tur boso dedicacion pa ofrece cuido na esnan cu tin mester di dje.  Spera boso a goza di boso “Dia di ImSan”.