“Imagenes” ta un interesante exposicion di Eduardo Varela na sala di UNOCA

ORANJESTAD (AAN) – Den e sala di exposicion di UNOCA, na Caya Hubert Lio Booi, e pintor y caricaturista Eduardo Varela,

ex-colaborado di DIARIO di e seccion di caricatura, a presenta su exposicion yama “Imagenes”, recientemente.

   Varela a yega Aruba cuarenta aña pasa, y e expo aki ta muestranan di arte interesante. “Imagenes” tin un estilo diferente unda e ta uza e colorido di nos bunita Aruba, y den tur su obranan el pone hopi color como tambe a pinta personahenan relevante na Aruba manera Libertador Betico Croes, hende di farandula, poesia, y a duna homenahe na Aruba su literatura.

   “Imagenes” ta clausura Diabierna 1 di December,  den oranan laboral, y na Januari 2024 e expo lo habri bek.