Minister Andin Bikker: - ORANJESTAD (AAN) – Encuanto iluminacion pa e Distrito di San Nicolas, riba un pregunta di DIARIO den conferencia di prensa Diabierna ultimo, el a reitera tocante su reunion cu San Nicolas Business Association.
SNBA ta trahando pa mas cu un aña riba un proyecto, segun e dignatario, y el a pidi e Asociacion pa acelera esaki pa por presente mas pronto posible, na Conseho di Minister, pa wak si tin retonan financiero, cu e asociacion a indica cu kizas lo por tin.
Pa gobierno ubica fondonan pa loke ta trata iluminacion di e Isla den su totalidad, esaki ta algo cu ta regarda e Minister encarga cu WEB y ELMAR, segun e mandatario. “Nos ta atendiendo cu esaki den e margen di e plannan cu tin, pa loke ta trata WEB cu ELMAR pa sigui expande iluminacion.
E urgencia nos ta atende cune aworaki ta San Nicolas, cu mi a bin compronde cu ta hopi urgente aworaki, pero tambe tin e barionan nobo unda iluminacion por wordo optimaliza”, Minister di Husticia a indica.
El a reitera cu ora el a sinta cu e doñonan di establecimentonan den su totalidad, pero tambe den e areanan di “hot spot” un di e asuntonan cu nan tambe lo pone atencion, ta e co-responsabilidad cu ta resorta riba nan tambe.
