ORANJESTAD (AAN): Ta deseo di tur instancia, tur famia, tur mayor, tur comerciante, tur HoteL, Gobierno , Polis etc,
pa nos muchanan por tin un aña escolar exitoso, pasobra nos muchanan mester studia, pa nan por tin papel y trabao mañan cu Dios kier.
Iglesia Pentecostal di Aruba situa na Dr Scheapmanstraat 18 na San Nicolas, net dilanti di Supermercado Macro tanto ta sinti nan mes responsabel pa organisa un anochi di oracion, pa tur mucha cu ta cuminsa scol e siman aki, hunto cu nan mayornan, pa asina nos por ta sigur di nan exito.
Un mucha cu ta cuminsa bay scol, mester wordo apoya door di su mayornan, y e mihor apoyo cu hende por ricibi ta di Dios, pasobra nos Dios tey 24/7 pa nos.
Nos ta conciente di peligernan cu ta existi, na caminda pa scol, na scol, rond di scol y nan caminda pa cas, pesey Iglesia Pentecostal di Aruba kier acerca tur mayor cu peticion pa nan ta presente cu nan yiunan awe diamars 14-8-2023 pa 7:30-9.00 caminda lo bay haci oracion pa tur presente tanto pa e muchanan haya curashi pa studia, y pa nan mayornan tambe tin curashi pa para nan tras tur momento.
Locual nos sembra awe nos ta cosecha mañan, si nos neglisha estudio di nos yiunan, nos ta cosecha dolor, pero si nos apoya nos yiunan den nan estudio, lo tin victoria na tur dos banda.
Nos lo tin un anochi precioso den presencia di Señor cu Alabansa , palabra y oracion, den cual nos por demostra e hobennan con poderoso e oracion di un hoben por ta.
Asina ta mayornan , hunto cu muchanan di tur edad cu mester drenta scol e aña escolar aki ta wordo spera mañan anochi pa 7:30pm -9pm, pa asina entrega e aña escolar den man di Dios, pasobra pa Dios nada ta imposibel.
Pastor Marcel Balootje
