Compania ta sigui traha riba medio ambiente
ORANJESTAD (AAN): Siman pasa relaciona cu nan prome aniversario operacional na Aruba, Iberostar a duna indicacion riba tur nan logro den 12 luna, y tambe a papia riba nan meta nan dilanti.
Gerente general Arnaud Le Lanchon a mustra cu e compania ta reafirma su compromiso a largo plaso cu Aruba door di lidera un modelo di turismo responsabel cu ta alinea cu e strategia di e institucionnan riba e isla.
E compania kier hunga un papel activo den e evolucion di Aruba pa medio di colaboracion continuo cu entidadnan local, asociacionnan, y comunidad, impulsando un cambio positivo den turismo cu ta garantisa proteccion di e medio ambiente, su hendenan, y e caracter unico di e isla.
E compania ta keda dedica pa ta un socio activo den e futuro di Aruba, garantisando e proteccion di e caracter unico di e isla pa futuro generacionnan.
Como parti di e etapa aki, Iberostar a invita DIARIO y demas prensa y personanan pa un presentacion special resaltando e impacto positivo logra durante su prome aña di operacion. Durante e encuentro aki, e compania a comparti iniciativanan clave y aliansanan cu ta demostra con turismo por contribui positivamente na e comunidad, economia, y medio ambiente di Aruba.
Iberostar Hotels & Resorts ta e division hotelero y e negoshi principal di Iberostar Group, un multinacional Spaño cu ta 100% propiedad di famia cu 70 aña di experiencia den sector turistico, cu origen empresarial cu ta bay te aña 1877. Su portfolio ta inclui 33.500 camber den 100 hotel di cuater y cinco strea den 14 pais, dedica na ofrece un calidad excepcional y un servicio sincero. Na mesun momento, e ta mantene un modelo di turismo responsabel cu tin como prioridad e bienestar di tanto hende como naturalesa.
Cu 2.5 miyon bishitante pa aña y un presencia privilegia den prome liña di lama, e marca Iberostar Beachfront Resorts ta ofrece tres segmento distinto pa cumpli cu e deseonan di vakantie di tur biahero. Iberostar Waves ta ofrece experencianan yen di diversion, perfecto pa famia y pareha cu ta stima lama. Iberostar Selection ta brinda estadianan premium, espacioso y relahante cu un servicio excepcional. Por ultimo, JOIA by Iberostar ta un coleccion di resortnan di lujo den localidadnan exclusivo, distingui pa un servicio altamente personalisa y sofistica.
