Huramentacion y instalacion di directiva nobo di Delta Aruba Leo Club

ORANJESTAD (AAN): Recientemente Delta Aruba Leo Club a huramenta y instala su directiva pa aña fiscal 2023- 2024.

   Delta Aruba Leo Club ta un club di hobennan entre 18 y 30 aña cu ta worde patrocina pa Aruba One Happy Island Lions Club cu ta haci actividadnan di servicio durante nan tempo liber pa esnan mas necesita den nos comunidad. Door di duna e hoben e oportunidad di sirbi su comunidad, e ta crea experiencia y asina ta forma nan mes como lidernan pa futuro.

   Durante un merdia hopi ameno, Delta Aruba Leo Club a huramenta y instala Directiva pa e aña fiscal 2022- 2023.  E ceremonia a conta cu grato presencia di e representante nan di e siguiente club nan di servicio di Aruba, e.o. Ivan Croes (Lions District Governor 35N 2023- 2024), Rubin Ponson (Presidente di Aruba Lions Club), Alysha Roga (Presidente di Alpha Leo Club, Leo Club of Aruba), Liza Roberts (Leo Advisor Aruba Leo Club).

   Tambe tabata presente Jokoeza Hooplot (Presidente di Kiwanis Club of Aruba),  Reina Geerman (Presidente di Women’s Club of Aruba), Luis Oduber (Presidente di Rotary Club of Aruba), Daniel Aguirre (Presidente di Kiwanis Club of Palm Beach), Esther Gomes (Presidente di Kiwanis Club of San Nicolas).

   E acto oficial di huramentacion di e Presidente 2023- 2024 a worde haci door di District Governor Lion Ivan Croes. Despues di esaki District Governor a pasa pa huramenta y instala e directiva nobo 2023-2024 cu ta consisti di e siguiente persona nan.

   Ronan van Putten a bira President.  Kimberly Geerman a bira Vice-President.  Shykia Maduro a bira Secretaria.  Cedric Tilma a bira Tesorero.  Directornan ta Alex Alvarado, Tanisha Dania, y Michael Croes.  Leo Advisor ta Vanessa Olive.

   Tambe e Presidente di Delta Aruba Leo Club, Ronan van Putten a otorga un Leo Award of Honour na Michael Croes pa su dedicacion y servicio durante e aña fiscal 2022-2023.

   Por ultimo e Presidente saliente di club patrocinador Eugene Dubero a anuncia cu Ronan van Putten a worde nombra Leo of the year 2022-2023 pa MD35 cu ta inclui Aruba, Bonaire, Curacao, Bahamas y club nan di Florida. E medaya a worde duna pa e Leo Advisor di e aña Carla Martinus.

    Club patrocinador Aruba One Happy Island Lions Club kier a gradici y felicita e directiva saliente pa e bon trabao haci durante e aña cu a pasa y ta desea e directiva nobo di Delta Aruba Leo Club tur clase di exito pa 2023- 2024.