CEUTA: Un Hulandes di 55 aña di edad a keda deteni na e waf di Ceuta na Spaña, ora cu den un bom falso bao di e auto,
a bin haya varios paki scondi na un forma hopi genioso. A bin sali na cla cu aki e tin mas di 50 kilo di hasj scondi.
Esey ta loke Aduana Spaño a laga sa. Nan a suministra prensa cu un potret unda bo ta mira e pakinan color shinishi aglomerando riba otro, den cual tin e droga scondi.
E homber tabata coriendo e auto y a wordo controla ora cu el a yega cu un Ferry di Ceuta, un exclave Spaño na costa di Maroco, kier a bay Algeciras. Den e control, tanto Guardia Civil y Polis di Spaña tambe tabata envolvi.
Loke a pone nan bay controla ta ora cu un cacho anti-droga a cuminza blaf banda di e auto. Asina a dicidi pa haci un control mas extenso na e auto, y rapidamente a bin haya e droga.
A bin resulta cu tin diferente compartimento scondi den e auto, unda e 50 kilo di droga tabata scondi. E hasj tabata scondi den bom doble den e bumper patras, un compartimento bao di asiento patras, y parti paden di e dashboard.
E homber tabata unico den e auto, y el a keda deteni.
