Minister Oduber a confirma: - ORANJESTAD (AAN): Manera ta conoci, e falta di personal na Hospital pa atende cu e situacion cu COVID ta trece aden ta birando un problema serio.
Hospital a bati alarma siman pasa y un di e problemanan mas serio cu tin cu atende cu ne ta personal.
Minister di Salud Dangui Oduber a confirma cu Secretario di Estado di Volksgezondheid, Welzijn en Sport di Hulanda, Paul Blokuis a bay di acuerdo cu e peticion cu Aruba a haci siman pasa dialuna pa manda mas personal pa yuda Dr. Horacio E. Oduber Hospital.
Oduber a laga sa cu lo tin 10 enfermero pa ICU na caminda y 2 intensivista.
Esaki sigui ta un tremendo noticia pa Aruba y no por descarta cu mas ayudo lo wordo brinda den e proximo dianan.
Ya caba siman pasa a yega un grupo pa yuda na Hospital y awor lo por conta cu 12 profesional mas den e dianan benidero.
