PHILIPSBURG: Dentro di poco St. Maarten lo bay ricibi e di cinco tranche di sosten di liquidez pa e suma di 39 miyon Florin,
pasobra e isla a cumpli suficientemente cu e condicion pa drecha good governance na Aeropuerto Internacional Princess Juliana, pues Hulanda a keda satisfecho.
Secretario Raymond Knops a divulga esaki den un carta cu el a manda pa Tweede Kamer.
Manera por corda, Conseho di Ministro di Reino a dicidi na ultimo momento dia 28 di Mei pa pospone e pago di e tranche aki na St. Maarten, y a autoriza pa Knops hunto cu Prome Ministro Mark Rutte y Ministro di Finanzas Wopke Hoekstra, vigila si acaso St. Maarten a tuma suficiente medida na e Aeropuerto, pa asina nan por ricibi e pago di 39 miyon Florin.
Den ultimo simannan, Prome Ministro Silveria Jacobs di St. Maarten a traha duro pa restaura good governance na e Aeropuerto, y a informa tanto Knops como tambe Royal Schiphol Group di e detaye aki.
