For di luna di Juni variante Delta a provoca incremento di casonan - ORANJESTAD (AAN): E situacion na Hulanda pa loke ta Covid-19 no ta pinta mucho bon.
E weekend cu a pasa, Hulanda a conoce un aumento di casonan di Covid-19.
Na e momentonan aki, Hulanda tin mas contagionan cu Reino Uni y pesey varios region ta den alerta cora y e situacion ta wordo considera como uno grave.
Segun e Minister di Salud Hugo de Jonge, e situacion ta hopi grave den dos region: Amsterdam-Amstelland y Groningen, unda 250 di cada 100 mil habitante a test positivo siman pasa. E situacion no lo a cambia den weekend.
DATONAN ALARMANTE NA HULANDA:
- Na Amsterdam y becindario: esnan positivo den e ultimo 7 dia ta casi 4.400 residente. Esaki ta mescos cu 410 caso pa cada 100 mil habitante y siman anterior a registra 47 test positivo pa cada 100 mil persona.
- Groningen: tabata tin 333,3 caso nobo pa cada 100 mil persona den e ultimo 7 dia, locul ta representa un aumento di 989 por ciento den comparacion cu e siman anterior.
Diasabra ultimo na Utrecht a registra 1541 caso. Esaki ta un record nacional ya cu antes no a registra asina tantisimo infeccion den un dia, na ningun region di Hulanda.
E regionnan di Kennemerland, Rotterdam-Rijnmond, Hollands Midden, Gooi na Vechtstreek y Haaglanden ainda ta na un of dos dia di bira graves cu hopi prueba positivo.
Nuebe region ta na caminda pa e di dos nivel di riesgo mas halto, esun grave. Esakinan ta Twente, IJsselland, Gelderland Noord y oost, Gelderland-Midden, Gelderland-Zuid, Zaanstreek-Waterland, Zuid Holland-Zuid, Central y West Brabant y Brabant-Zuidoost. Y na esaki lo por agrega Brabant-Noord.
Ta probable, segun Nos.nl, cu e siete region restante bira preocupante despues di diamars, su di dos nivel di riesgo mas abao. Esakinan ta Frisia, Limburgo Meridional, Flevoland, Drenthe, Zelanda y Limburgo Noord.
Den comparacion cu e paisnan bisiña, e variante delta ta ganando tereno den un tempo record. Esaki ta wordo mira claramente na Belgica, Alemania y Reino Uni.
Diasabra, tabata tin 10.345 contagio na Hulanda, 3.390 mas cu e dia prome. Esaki ta significa cu aworaki Hulanda ta relativamente riba e cifranan di Reino Uni, unda e number di infeccionnan a bay den aumento desde luna di Juni pa motibo di e variante delta.
Tres dia pasa, a reporta 35.707 casonan nobo den casi 67 miyon persona, e cantidad mas grandi desde 22 di Januari.
Pa e motivo aki, otro paisnan lo por aconseha su ciudadanonan pa no viaha pa Hulanda. Tambe lo por impone condicionnan stricto na e hulandesnan cu kier viaha y disfruta di nan vacacion.
