ORANJESTAD (AAN): Hulanda a aproba un prohibicion nacional pa uzo domestico di vuurwerk, cu lo drenta na vigor a partir di 2026–2027.
E medida ta busca reduci riesgonan pa e siguridad publico hende y tambe animalnan, cu ta wordu afecta pa e ruido di e explosionnan.
E ley a wordo aproba pa Eerste y Tweede Kamer despues di añanan di debate. Entre e argumento principal na fabor ta wordo menciona e gran cantidad di accidente, daño material y e impacto negativo cu vuurwerk tin riba mascota y fauna silvestre, asina tambe riba personanan sensitivo na ruido, incluyendo mucha cu trastorno di espectro autista y hende cu hipersensibilidad auditivo.
Cu e regulacion nobo aki, solamente shownan profesional lo ta permiti, y nan mester cumpli cu regla stricto di seguridad y control. E uzo di vuurwerk pa particular lo keda prohibi den henter e pais.
Aña Nobo 2025–2026 lo ta e ultimo periodo caminda vuurwerk pa uzo domestico lo ta permiti prome cu e prohibicion drenta na vigor.
