Aruba ta conoci mundialmente pa su turismo y te ainda e unico pilar economico.
Na 1977 a cuminsa un Hotel Vakschool temporario den e edificio di San Pedro de Verona ( hospital bieu)
Na 1979 a cuminsa cu e construccion di Bushiri Hotel, un tiki pega cu Container Haven, e tempo ey.
Un proyecto di 8 miyon Dollar financia pa EEG. Aruba Hotel Business School lo forma parti Bushiri Hotel.
Na 1982 tabata asina lew cu Aruba Hospitality Trades and Training Center ta habri su porta hunto cu Bushiri Hotel.
A tempo ey a cuminsa cu 150 alumno for di Aruba, region di Antiyas Hulandes y Hulanda. E school tabata conta cu 12 instructor y lo usa diferente facilidad di Bushiri Hotel pa instruccion y practica di e studiantenan.
Bushiri Hotel ta un all inclusive hotel, ta conta cu 50 camber, restaurant, cafetaria y cushina di un inversion di 1.7 miyon florin.
A cuminsa cu 90 empleado lidera pa Ellis Dania como General Manager, Ruben Giel F and B coordinator, Chief Coordinator Housekeeping, Hendrik Britten y Sonia Yrausquin Front Office Coordinator.
Cu tempo e educacion hotelero a pasa pa EPI seccion di Hospitalidad.
Situacion financiero a pone cu Bushiri Hotel a cera su portanan. Diferente operador a trata di habri e hotel sin resultado.
Na 2018 a basha Bushiri Hotel abou despues cu e la bira un ruina.
Compila pa Roberto Croes
