ORANJESTAD (AAN): Dr. Horacio Oduber Hospital a duna di conoce cu aunke gobierno di Aruba a anuncia cambionan den e medidanan contra Covid-19,
toch Hospital ainda ta rekeri e uzo di tapaboca den nan instalacionnan. Esaki den hospital of den consultorionan pafo di Hospital.
E medida aki lo keda vigente te proximo aviso. Esaki tin como meta salvaguardia e cuido di e pashentnan como tambe proteha e empleadonan y e bishitantenan.
Si bo tin cu acudi Hospital den e dianan aki, bo tin un cita of mester bay departamento di emergencia, tene cuenta cu bisti tapaboca lo ta un rekisito.
