Ta keda obligatorio ora di contacto directo cu pashent --- *Orario di bishita ta sigui segun cita
ORANJESTAD (AAN): Na momento cu Gobierno di Aruba a anuncia cambio den medida di Covid, entre otro flexibilisacion di uzo di tapaboca, Hospital a tuma e decision pa sigui monitor e situacion pa algun dia y no stop e uzo obligatorio di tapaboca ni pa trahado y tampoco bishitante.
Uzo di tapaboca
Recientemente Outbreak Management Team di HOH a tuma decision pa flexibilisa uzo di tapaboca na Hospital pero algun caminda e uzo ta sigui ta obligatorio cu e meta principal pa protehe pashent y empleado.
Na momento di tin contacto directo cu pashent uzo di tapaboca ta obligatorio pa bishitante y trahado. Si no tin contacto directo cu pashent pero ta desea di sigui haci uzo di tapaboca pa proteccion semper ta posibel y ta recomendabel.
Orario di bishita:
Por fabor tene cuenta cu lo sigui mantene e regla di haci cita pa bishitante. E orario lo ser comunica directamente cu e pashent of bishitante pa asina por keda garantisa distancia social den cada camber.
Semper por tin excepcion y esaki e famia y pashent por papia cu e manager di e departamento.
Porfabor ban keda mantene un bon higiena di man haciendo uzo di hand sanitizers prome y despues di haci bo bishita na HOH. Y si bo ta sinti un di e sintoma nan yama bo dokter di cas. Ban sigui cuida y keda safe!
