ORANJESTAD (AAN): E popular wega di Lotto, esta Zodiac ta sigui produci ganador.
E wega ta facil, pasobra bo tin di djis cumpra un number consistiendo di 4 cifra, agrega un signo di zodiaco na dje, y bo ta den wega.
E biaha aki, Hose a yega y a dicidi cumpra numbernan loco pa sorteo di Zodiac. Y el a bin ripara cu su numbernan a sali tambe! Pesey riba Dialuna el a acudi na oficina di Lotto na Playa pa reclama su premio.
Despues di a revisa su ticket y a scan e barcode, e computer a confirma cu Hose a gana 12.500 Florin cu e wega di Zodiac. Mesora a sigui cu e proceso pa transferi e premio electronicamente pa su cuenta di banco. Hose a mustra cu e ticket ganador el a cumpra na M&F Valero Essoville.
