Hopi reclamo atrobe di sushedad den bario

ORANJESTAD (AAN): E reclamo recien a drenta di e.o. habitantenan di Rooi Afo, tambe di parti di Pavia y vecindario,

principalmente mayornan cu ta hiba nan yiunan pa train futbol, no sa di con asina hopi sushedad ta acumulando.  Tin hende sin escrupulo ta djis hisa benta sushi unda cu ta, sin preocupa cu e medio ambiente y aspecto di salud di otro habitantenan.

   Tambe a haya recien reclamo di habitantenan di e verkavelling di Regents Park, ta pidi DIARIO, por fabor publica e potretnan aki, pa asina kizas Bureau City Inspector wak, cuanto sushedad y mahos bista tin aki y no solamente pa wak nan, sino hasi e trabao di avisa esnan responsable pa haci nan area y cercania limpi.