Hopi hende a acudi na evento di Kapel di Bethania

ORANJESTAD (AAN): Riba Dia di Himno y Bandera, ta un cantidad di persona a dirigi nan mes na e Klooster di Kinderhuis Imeldahof na Noord,

pa asina mira e dia special prepara pa Fundacion Kapel di Bethania.

   E tabata un dia di celebracion, cu bendemento di cos dushi manera Cupcakes, Kuki Lerchi, Tert, Dulce de Leche den forma di Aruba, Cuki, y mas.  Tambe tabatin exposicion di varios articulo cu Arubianonan tabata usa den epoca di antaño.  Por a mira fabuloso creatividad den armband traha pa Beads by Edi’s.

   Tabatin bendemento di ponche crema, y dushi soppi cu a mira Astrid ta basha cu hopi precision pa clientenan.

   Entretenimento musical tabata asina bon, cu algun hende hasta a subi pista pa los pianan.  Hendenan tabata disfruta di e cantidad di sombra bao palonan di mata pa goza di e Dia di Himno y Bandera.