Ramoncito Croes Operations Manager di Post Aruba NV:
ORANJESTAD (AAN)— Ramoncito Croes, Manager di Operacion di Post Aruba NV, a expresa den conferencia di prensa Diamars mainta, cu e tambe ta hopi contento cu Post Aruba a logra e meta aki, di un flota nobo di autonan, y di ta yegando na un compania cu ta bay ta hopi mas ocupa cu innovacion y sostenibilidad.
Aworaki ta cinco di ocho vehiculonan cu nan ta ricibiendo cu ta yega na un total di 80% di nan autonan electrico, y asina Post Aruba NV ta mustrando su amor pa nos medio ambiente.
El a remarca cu tambe ta importante pa e otro partnernan ta den e mira aki por use pa bay mas sostenible posible.
Finalmente, directora Sra. Gomes a invita e presentenan pa haya mas splicacion y detayenan operacional of cu tin pregunta al respecto. Tambe a mustra e lugar cu a wordo instala pa charge e autonan, y pa observa e logo cu cada un di e 5 autonan nobo aki ta mustra patras cu ta bisa: “Innovando cu proposito” pasobra nan ta poniendo esaki manera un compas cu ta duna nan e direccion pa sigui e rumbo nobo estrategico cu a propone pa tuma, y cu Diamars a duna e prome stap.
