Hopi cas ainda tin cierto relikia di nos pasado cu merece di ta den Museo

ORANJESTAD (AAN): E plannan pa museo di Aruba tin di sigui su caminda!

  Pasobra aworaki ta di compronde, cu keto bay tin varios cas rond di e isla, cu tin artefacto y tambe relikianan antiguo cu ta rico na historia di e antepasadonan.

   Nan ta aparatonan di antes cu por conta nos e historia di Aruba!  E pensamento cu mester keda pa Aruba y no pa un lugar cu ta personal, asina mas nos historia por wordo admira den un lugar publico.

   Aki mes por mira parti di e entretenimento di antes na Aruba, incluyendo e tipo di radio receptor cu ta traha cu bateria, y cu hopi di nos grandinan a usa esaki pa scucha musica y radio emisoranan, principalmente for di emisoranan Venezolano, como tambe emisoranan riba Short-Wave cu ta bin di distancia largo.