Hopi cara contento durante e 'Walk N'Woof FunWalk' di Animal Care Clinic

ORANJESTAD (AAN):  Recientemente a tuma lugar un caminata caminda e enfoca pa haya fondonan pa un bon causa.

Dr. Natalie Booi di Animal Care Clinic a splica cu esaki tabata e 'Walk N'Woof FunWalk'.     Tur e fondonan recauda a bay pa Sgt. Pepper cu ta un fundacion hopi importante pa comunidad pa yuda soluciona e problema di poblacion grandi di cacho y pushi ariba caya.

            Esaki tabata un evento pa por a pasa un rato bunita cu famia y amigonan. pero tambe cu e mascotanan cu e obhetivo di recauda fondonan pa un causa hopi importante y na mesun momento trece conscientisacion, a bisa.

            Esnan cu a join a pasa un atardi hopi placentero. A bende casi 200 ticket, pero hopi hende a dicidi pa no cana, pero si pa colabora cu e causa. Na final a conta cu 57 participante cu a dicidi di bay y cana cu nan cacho y disfruta di e bunita actividad aki.