ORANJESTAD (AAN): Riba Diasabra y tambe Diadomingo, a tuma lugar e Vacunathon pa asina trata na logra cu mas hende posible por bay vacuna. Esey a inclui hendenan
cu ta indocumenta na Aruba, tanten cu nan ta 18 aña bay ariba.
E biaha aki publico grandi a responde na e yamada aki, pa asina nan bay haya nan prome dosis di inmunizacion. Na Teresita Center na San Nicolas, por a nota cu tambe tabatin hende para den rij sperando nan turno pa haya nan vacuna.
Y e team cu a traha na Teresita Center a labora hopi agil, y a sa di inyecta e vacuna na un forma rapido, y despues tur hende mester a sinta pa como 15 minuut pa finalmente bandona e lugar. Esnan den rolstul tambe tabata haya yudanza rapido.
