Hopi amigo y conocirnan a bay despedi di fotografo Gina Burleson-Werleman

ORANJESTAD (AAN): Diasabra atardi ta un multitud di persona a acudi na e kapel di Aurora Funeral Home pa asina despedi di Darlise Jeanine Burleson-Werleman, miho conoci como Gina.

 E conocido fotografo di tur tempo di DIARIO cu tabata hopi activo den mundo social, mundo carnavalesco, y tambe deportivo.

   Gina a bay cerca su Creador na un forma inespera, y su famia sigur a aprecia tur e muestra di condolencia den e atardi aki.  Por a mira presencia di e.o. Prome Ministro Mike Eman y tambe diferente Parlamentario cu a pasa mustra nan compasion cu famia y amigonan.

   E respons tabata na encargo di Pastoor Jairo Maduro, kende tabata conoce Gina tambe cu contacto regular.  Despues di esaki, Gina a wordo poni na su ultimo lugar di sosiego cu ta den Santana Catolico na Santa Cruz.   Gina tabatin 59 aña di edad, y cu Todopoderoso dune sosiego eterno.