Hopi ambiente riba prome dia di scol na Abraham de Veerschool

ORANJESTAD (AAN): Directora Jane Bueno-Hooft di Abraham de Veerschool MAVO na San Nicolas,

tabata contento pa mira con trempan ya caba alumnonan a yega, cu hopi animo, yen energia, y sonrisa grandi pa start e aña escolar nobo.

   Alumnonan a yega mainta y bin topa cu entrada di e scol completamente decora cu blaas y slingers.  Paden tambe a bin topa cu decoracion similar.

   Mesora combersacion a cuminza, debi cu algun di nan tin mas di un luna sin cu a mira otro.  Pues combersacion riba tur topico a start, y tambe pa mira cual ta e alumnonan nobo cu ta yega pa Ciclo Basico 1 na scol.

   Directora a hiba palabra y anima e alumnonan, y tambe tabatin sacamento di potret na cantidad.  DIARIO tambe ta desea alumnonan un exitoso aña escolar 2025-2026.